ကိုဝေလထံမှ ကိုဇော်လတ်သို့ပေးစာ

ကိုဇော်လတ် ခေါ် ကိုသောင်းဇော်ရေ

အခုအချိန်မှာ ကိုဇော်လတ်ကတော့ ငါအားလုံးကို လှိမ့်ပတ်ပြီးရှောင်သွားနိုင်တယ်ဆိုပြီး ကိုယ့်ကိုယ်ကို ပီတိဖြစ်နေမလား၊ ဒါမှမဟုတ် ကိုယ့်မြန်မာအချင်းချင်းတွေထံက လိမ်လည်သွားတဲ့ ငွေတွေ၊ လက်ဝတ်လက်စားတွေ၊ နိုင်ငံခြားသားရတနာကုန်သည်တွေထံက လိမ်လည်သွားတဲ့ စိန်တွေ၊ ရွှေချောင်းတွေကို ထိုင်ကြည့်ရင်း ငါတော့ထောပြီဆိုပြီးဘဲ ဝမ်းသာပျော်ရွှင်နေမလားဘဲ။

မလုပ်ကောင်းတဲ့ကိစ္စတွေပါကိုဇော်လတ်။

ကိုဇော်လတ်အခုလိမ်သွားတာက ကိုယ်မြန်မာတွေနိုင်ငံခြားမှာ နှစ်နဲ့ချီပင်ပင်ပမ်းပမ်းလုပ်ကိုင်ပြီး ချွေးနဲစာနဲ့ ရှာဖွေစုဆောင်းထားကြရတဲ့ ငွေတွေ၊ လက်ဝတ်လက်စားတွေပါ။ အဲလို ချွေးနဲစာနဲ့ ရှာဖွေထားတာတွေ လူလိမ်ခံရတဲ့အခါ ခံရတဲ့သူတွေ စိတ်ဆင်းရဲဒုက္ခရောက်ကြ မယ်။ ဒေါသအမျက်ထွက်ကြမယ်။ အဲဒီအချိန်မှာ ကိုဇော်လတ်တယောက် ဘယ်လိုစိတ်ထားမျိုးနဲ့ ဒီငွေတွေကို သုံးစွဲနိုင်မှာလဲ။

ကိုဇော်လတ်လိမ်သွားတာက မြန်မာတွေသာမက၊ နယူးယောက်က ကျောက်တန်းလို့လူသိများတဲ့ စိန်၊ ကျောက်မျက်မျိုးစုံနဲ့ ရွှေထည်တွေ လက်ကား၊ လက်လီရောင်းတဲ့ အရပ်က အိန္ဒိယလူမျိုး၊ ဂျုးလူမျိုး နဲ့ ရုရှလူမျိုး ကျောက်ကုန်သည်တွေလည်းပါနေတယ်။ ကျောက်တန်းမှာ အလုပ်လုပ်နေတဲ့ မြန်မာတွေအများကြီးပါ။ ကျောက်မျက် အသယ်အပို့လုပ်တဲ့သူတွေ၊ စာရင်းဇယားကိစ္စလုပ်တဲ့သူတွေက၊ အလုပ်က မီးခံသေတ္တာသော့ကိုပါ ကိုင်တွယ်ပြီး အလုပ်ကိုစီမံခန့်ခွဲရသူ စသဖြင့်နေရာအသီးသီးမှာလုပ်ကိုင်နေကြတာပါ။ မြန်မာတွေဟာ အစဉ်အဆက် ယုံကြည်စိတ်ချရတယ်ဆိုတဲ့ အခြေခံနဲ့ အလုပ်ရှင်တွေက မြန်မာတွေကိုဦးစားပေးပြီး ခန့်ထားကြတာပါ။

ကိုဇော်လတ်ပစ္စည်းတွေလိမ်ပြီးထွက်ပြေးသွားတဲ့ကိစ္စက ဒီကဆက်စပ်နေတဲ့ ကျောက်ကုန်သည်တွေကြားမှာ ဂယက်ရိုက်နေပါပြီ။ မြန်မာ တွေကိုအစဉ်အဆက် ယုံကြည်စိတ်ချရနေရာက ကြိုတင်ကာကွယ်တဲ့အနေနဲ့ သတိထားဆက်ဆံရမှာလားဆိုတဲ့ သံသယမေးခွန်းတွေ ကြားနေရပါပြီ။ ကျောက်တန်းမှာ အလုပ်လုပ်နေတဲ့ မြန်မာတွေအတွက်အများကြီးထိခိုက်တယ်။ မျက်နှာငယ်စရာဖြစ်ရတယ်။ ငါးခုံးမတကောင်ကြောင့် တလှေလုံးပုတ်သလိုပါဘဲ။ ဒီအတွက် မြန်မာအသိုင်းအဝိုင်းအနေနဲ့ လုပ်သင့်လုပ်ထိုက်တာတွေ လုပ်ဆောင်ကြဖို့ လည်း တိုင်ပင်နေကြပါတယ်။

အခုအလိမ်ခံရတဲ့သူတွေထဲမှာ ကိုယ်ညံ့လို့ကိုယ်ခံရတာ၊ ဒါမှမဟုတ်လည်း သြော် ကိုယ့်ကုသိုလ်ပါဘဲဆိုစိတ်ဖြေပြီး ကာလတခုမှာ မေ့မေ့ပျောက်ပျောက်ဖြစ်သွားနိုင်သူတွေပါသလို၊ ကိုယ့်ရဲ့ယုံကြည်မှုကို လက်တလုံးခြားလုပ်သွားလို့ ခွင့်မလွှတ်နိုင်တဲ့သူတွေ၊ နောက်နောင်အခုလိုလုပ်ရပ်တွေမပေါ်ပေါက်အောင် ကာကွယ်တဲ့အနေနဲ့ မဟုတ်တာလုပ်တဲ့သူတွေအတွက် ပြေးစရာမြေမရှိဘူးဆိုတာ သက်သေပြချင်သူတွေ၊ ၁၀ နှစ်မကလို့ အချိန်ဘယ်လောက်ကြာကြာ ရေဖျားကုန်းဖျားရှာမယ်ဟေ့ ဆိုတဲ့သူတွေလည်းပါနိုင်ပါတယ်။

တဘက်ကလည်း မြန်မာအသိုင်းအဝိုင်းက ဒီလိုကိစ္စတွေကိုလုံးဝလက်မခံဘူး၊ ဒီလိုလုပ်တဲ့သူကို ဥပဒေဘောင်ထဲရောက်အောင် အားလုံးဝိုင်းဝန်းကြိုးစားနေကြတယ်ဆိုတာ ကျောက်တန်းကကုန်သည်များအကြားမှာ ကျယ်ကျယ်ပြန့်ပြန့်သိအောင်လုပ်ဆောင် ကြဖို့လည်း တိုင်ပင်နေကြတယ်ကိုဇော်လတ်ရေ။

ပထမဆုံးအနေနဲ့ ကိုဇော်လတ်ဘယ်သူတွေစီက ဘယ်လောက်တန်ဖိုးတွေလိမ်သွားတယ်ဆိုတာ အနီးစပ်ဆုံးသိရအောင်စပြီးစုံစမ်း နေကြတယ်။ မြန်မာအချင်းချင်းစီကဘယ်လောက်၊ ဘယ်ကျောက်ကုန်သည်တွေစီက ဘယ်လောက်၊ ဘာပစ္စည်းဆိုတာတွေကို Memo, Invoice စာရွက်စာတမ်းအတိအကျ နဲ့တကွရအောင်လုပ်နေကြပါတယ်။ ကိုဇော်လတ်အရင်အလုပ်လုပ်ခဲ့တဲ့ သူဠေးနဲ့အခြားအချို့ထံက ရပြီးပါပြီ။ သူတို့လည်းတဆင့်တဆင့် ဆက်စုံစမ်းနေကြတယ်။ အဲဒီစာရင်းတွေကို Web Page တခုဖန်တည်းပြီး စုတင်ထားပါမယ်။ နာမည်ရင်းကို မဖော်ပြလိုတဲ့ လိမ်ခံရသူတွေအတွက် ပစ္စည်းစာရင်းနဲ့ ခန့်မှန်းတန်ဖိုးကိုဘဲဖော်ပြလို့ရအောင်လုပ်ထားပါမယ်။ အဲဒီ Web Page မှာ ကိုဇော်လတ်ရဲ့ ဓာတ်ပုံတွေကိုပါ ပြည့်ပြည့်စုံစုံဖြစ်အောင် ပူးတွဲဖော်ပြထားပေးပါမယ်။ ကိုဇော်လတ်ကိုတွေ့တဲ့သူတွေ၊ ကိုဇော်လတ်သတင်းကြားတဲ့ သူတွေကိုလည်း Web Page မှာဖော်ပြထားတဲ့ ဆက်သွယ်ရန်လိပ်စာကို အကြောင်းကြားပေးဖို့ မေတ္တာရပ်ခံသွားပါမယ်။ Web Page ရဲ့သက်တမ်းကတော့ ကိုဇော်လတ်ဥပဒေဘောင်ထဲရောက်တဲ့အထိပါ။ အဲလိုဖြစ်အောင်လည်း အဆင့်ဆင့်ဝိုင်းဝန်းကြိုးစားမယ့် နိုင်ငံတကာက Volunteers တွေကို Web Page ကတဆင့်ဖိတ်ခေါ်သွားပါမယ်။

နိုင်ငံခြားမှာ ငွေတွေလိမ်ပြီးထွက်ပြေးသွားတဲ့ ဖြစ်ရပ်တွေရှိခဲ့ပါတယ်။ အဲဒီကိစ္စတွေကို ကျယ်ကျယ်ပြန့်ပြန့် နဲ့ စနစ်တကျဝိုင်းလိုက်ကြရင် လ်ိမ်သွားတဲ့သူကိုမိနိုင်၊ မမိနိုင်၊ မိရင်လည်း ဘယ်လောက်ကာလကြာမှ ဘယ်လိုမိတာလည်း၊ စတာတွေကလည်း သီးသန့်စိတ်ဝင်စားချင် စရာပါ။ အခုကိုဇော်လတ်ကိစ္စကိုလည်း ဝိုင်းဝန်းနေကြသူတွေ သတင်းအစအနနားစွင့်နေတာကအစ၊ နောက်ဆုံးရှာတွေ့တဲ့အထိ အဆင့်ဆင့်ကို စနစ်တကျမှတ်တမ်းတင်ထားပြီး Documentary တခုဖြစ်အောင်လည်းလုပ်ဆောင်သွားပါမယ်။ နိုင်ငံအသီးသီးမှာနေထိုင် နေကြတဲ့ မြန်မာအသိုင်းအဝိုင်းအသီးသီးက ကိုဇော်လတ်လိုလူတွေကို အချဉ်ပေါက်နေကြတော့ သိုင်းမယ့်ဝိုင်းမယ့်သူတွေများမယ် လို့လည်းမျှော်လင့်ပါတယ်။

ကျန်နေတာတွေတော့ နောက်မှထပ်ပြောပါဦးမယ်။

အခုတော့ ပြေးပေဦးတော့ကိုဇော်လတ်ရေ။ ပြေးပေဦးတော့။

တကယ်တော့ ကမ္ဘာကြီးကကျဉ်းပါတယ်။

ကိုဝေလ